Utstilling med Kristine Hareide
Fredag 25. april kl. 18.00 opnar ei spanande utstilling i Bjørndals Minne. Her kan du sjå Kristine Hareide sine sterke, vakre og tankevekkande oljemåleri - saman med uttrykksfulle skulpturar.
I nokre av motiva utforskar Kristine tanken på kva som kunne skjedd dersom menneska forsvann, og naturen og dyra tok over. Lause penselstrok og vakre fargar skaper ein interessant kontrast til det dystopiske temaet. Har jorda det kanskje betre utan oss?
Kristine er utdanna ved Ålesund Kunstfagskule (Ytre), og har ansvar for visuell kunst ved Hareid musikk- og kulturskule. Ho har delteke på ei rekkje utstillingar, og har også vore stemneutstillar under Hareidsstemna. No kan du oppleve Kristine sin kunst i ei stor separatutstilling i regi av Ulstein Kunstlag. Vi gler oss – og håper å sjå deg der!
OPNINGSTIDER
Fredag 25. april kl. 18-20
Laurdag 26. april kl. 13-17
Søndag 27. april kl. 13-17
Onsdag 30. april kl. 17-19
Torsdag 1. mai kl. 13-17
Fredag 2. mai kl. 17-19
Laurdag 3. mai kl. 13-17
Søndag 4. mai kl. 13-17